Aretxabaleta abesbatzak 30 urteko ibilbidea
2010-07-29
Aretxabaleta abesbatzak 30 urte bete ditu eta bere historia bizia jasotzeko ikus-entzunezkoa egin du. Dokumentalaren aurkezpen ekitaldia izango da, irailaren 17an, arratsaldeko 19:00etan Arkupen.
Arteman komunikazio enpresak landutako ikus-entzunezkoan, abesbatzaren argazkiak, protagonisten testigantzak, Aretxabaletako parrokian egindako kontzertu gogoangarriak eta Aretxabaleta udalerriko txokoak biltzen dira.
Irailean pailazoak eta magoak izango ditugu
2010-07-29
Irailean txikienek pailazo eta magoekin disfrutatzeko aukera izango dute. Arkupen izango dira Kidam Magoa eta Poxpolo eta konpainia, irailaren 12an eta 19an.
Beraz, jakin badakizue, agendan apuntatu eta disfrutatzera!
Osakidetzako hitzaldi ezberdinak irailean Arkupen
2010-07-29
Osakidetzako hainbat mediku eta profesionalek hitzaldi sorta eskainiko digute irailean Arkupen. Daniel Jimenez pediatria arloko medikuak obesitatearen inguruan jardungo du; Jose Luis Angulo, hospitaleko zuzendari gerenteak Hospital berriaren aurkezpena egingo du eta azkenik, Julio Sandoval medikuak, etxez-etxeko ospitalizazioaren inguruko gaia azalduko digu.
Hitzaldiak izango dira irailaren 9, 16 eta 23an. Beraz, osasunaren inguruko gai hauek sakonago ezagutzeko aukera paregabea zuen esku.
