Albisteak

8tik 4.a
<< aurrekoa 1 | 2 | 3 | 4 | 5 | 6 | 7 | 8 hurrengoa >>

Xarma taldearen kontzertua

2011-04-20
Danbaka musika lehiaketako azken edizioko talde irabazlearen kontzertua izango duzue maiatzaren 13an, martitzena, 22:00etan, Arkupe kultur etxean.

[irakurri +]

'Cien años de soledad' erakusketa

2011-03-28
Apirilaren 1etik 30era bitartean izango da erakusketa. Gabriel García Márquezen Cien años de soledad (Ehun urte bakardadean) nobela argitaratu zeneko 40. urteurrena dela eta, Pablo Torrecillak (Madril, 1967) XX. mendeko gaztelaniazko obra handi horren birkreazio bitxia aurkeztu du.

[irakurri +]

Kirmen Uribe idazle eta poetaren hitzaldia

2011-03-27
Apirilaren 5ean Kirmen Uriberen hitzaldiarekin gozatu ahal izango dugu Zaraia aretoan, 19:00etan. Arima baino ederragoa izenburua duen hitzaldia egingo du. 

[irakurri +]

'Liburu bat, horixe altxorra!', haurrentzako ikuskizuna

2011-03-20

Apirilaren 2an Alberto Burgosen ikuskizunaz gozatzeko aukera izango dute Aretxabaletako umeek. 11:30ean izango da Arkupeko liburutegian eta 5 urtetik gorakoei zuzenduta dago.

[irakurri +]

"Memoria de una hija de Oshun" Pelikula-dokumentalaren emanaldia

2011-02-28

María Torrellasek zuzendutako dokumentala martxoaren 4an ikusi ahal izango dugu Zaraia aretoan. Lan honen bidez, afrikar esklaboen ondorengoak omendu nahi ditu zuzendariak, gaur egunean aintzat hartuak izatearen alde eta arrazakeriaren aurka lan egiten jarraitzen dutenak, bai Latinoamerikan eta baita mundu osoan ere.
Dantza ekitaldia ere izango da Magdalena Milanoren eskutik. María Frías da “Memoria de una hija de Oshun” dokumentaleko protagonista, Uruguaiko 72 urteko dantzaria, XX. mendean esklabotza jasan eta dantza eta candombeari esker bizitza suspertu ahal izan duena. Fríasek dantza erritualen bitartez Oshun Orishari egiten dio dei, Oshun ur gezatako Orisha da.

[irakurri +]

5 kontinenteetan zehar emakumea ezagutzeko haurrentzako ikuskizuna

2011-02-28
Autu Mautu ipuin kontalariaren eskutik munduan zehar bidaiatuz, 5 kontinenteetan zehar emakumea ardatz duten kultura eta ohiturak ezagutuko ditugu martxoaren 19an liburutegian. Musika, eta bizitzeko dauden era desberdinak erakutsiko dizkiguten imajinak, lagun izango ditugu eszenaratzea gehiago indartzen.
Narrazio guztien helburua da, Emakume eta gizonen arteko harremanak sendotuz mundu hobea lor daitekeela erakustea. Horrekin batera, alboratu egingo dugu mundu guztiaren jabe gizona denaren ustea, bi sexuetako pertsonak beharrezkoak direla aldarrikatuz.

[irakurri +]

Laitirili antzerki taldearen eskutik "Piskolabis"

2011-02-28
Martxoaren 3an "Piskolabis" antzezlanaz gozatu ahal izango dugu Zaraia aretoan.Emakume batek bakarrik hitz egiten du eten gabe, inguruan duen guztia jartzen du zalantzan.  Gatazkan ari den gizaki etsiak, bakarrik, edo megafono baten bitartez hitz egiten du,  gitarraz eta erritmo kaxa batez lagundutako mikrofono batez.  Galdetzeari uzten ez dion profeta bitxia, etengabeko transhumantziara eramaten duen kaos batean murgilduta dagoena.

[irakurri +]

Frantziatik herriko plazara datorren zirku zaharra

2011-01-28

Otsailaren 26an herriko plazara iritsiko da zirku zaharra, Bapatean zirko taldearen "Trastu Biziak". Frantziatik datorren zirkua da, 5 saltinbanki eta dibertsio asko dakarren zirkua.
Antzerkia, zirkua eta malabarismoa nahasten dituen ikuskizuna. Gurpil alemaniarraK (ibilbideak uzten baldin badu), zilindroaK lore-ontzian eta mazoek hankapaloen  saltoekin bat eginez, kolore bizia emango diete kaleei. Kolore anitzeko jantziek eta era guztietako malabareek ikusle guztiak bultzatuko dituzte parte hartzera, inor ez da geldi geratuko.
Musika duen gurdi batekin soinuz beteko dituzte gure kaleak.

[irakurri +]

Partekatzen ikastea

2011-01-28
Otsailaren 12an "Zomorroak" haurrentzako ikuskizunarekin gozatu ahal izango dugu, Zurrumurruren eskutik. Zomorro eta animaliak protagonista dituen ipuina abiapuntutzat hartuz, bizikidetzarako ezagutza, eta orokorrean, eskura ditugun baliabideak elkarbanatzea zein garrantzitsua den nabarmendu nahi izan dugu ipuin saio honetan. Dena norberarentzat gordetzeak ezer onik ez duela ekartzen ikasiko dute ipuin honetako protagonistek,  askoz aberasgarriagoa dela daukaguna besteekin konpartitzea.

[irakurri +]

Sahara mendebaldeko giza eskubideei buruzko erakusketa

2011-01-26
Otsailaren 1etik 28ra ikusi ahal izango dugun erakusketak, zulo bat egin nahi du auzi berberaren beste aurpegi bat estaltzen duen inkomunikazio harresian; askorentzat ezezaguna den errealitatea, eta egunero milaka sahararrek pairatzen dutena Marokok legez kontra okupatutako saharar lurretan.

[irakurri +]

RSS euskaraz:


Aretxabaletako udalaAtxagaztei-gipuzkoaelsnmerkatareSMS lehiaketa